Бишкек шаардык борбордук китепканасынын "Мекен таануу" бөлүмүндө Тоолорду коргоо жана климаттык туруктуулук жылына карата "Жаратылыш жана экология" аталышындагы иш чара өткөрүлдү.
"Улуу тоолор" басмасынын жетекчиси, акын жана жазуучу Жумадин Кадыров семинардын мейманы болду. Иш чаранын жүрүшүндө азыркы учурдагы экологиялык көйгөйлөр, аны чечүүнүн жолдору, жаратылышка аяр мамиле жасоо өңдүү маанилүү маселелер талкууланды. Өзүнүн сөзүндө Жумадин Кадыров окурмандарды көбүрөөк китеп окууга, китеп менен дос болууга чакырып кетти.
@biblioteka.246
