Бишкек шаардык борбордук китепканасында Ош, Жалал-Абад, Нарын, Баткен облустарынан, Тогуз-Торо районунан келишкен китепкана кызматкерлери маалымат жана тажрыйба алмашышып, ой-пикирлерин бөлүшүштү. Бишкек шаардык борборлоштурулган китепкана тармагынын директору К.ДЖ. Дандыбаева шаарда жайгашкан китепканалардын жүргүзүп жаткан иштери тууралуу кеңири маалымат берип, алдыда өткөрүлүүчү иш чаралар жөнүндө ой бөлүштү. Өз ара баарлашуу уюшкандыкта жана жогорку деңгээлде өткөрүлүп, келген меймандар жылуу тосуп алышкандыгы үчүн ыраазычылык билдиришти.
